main sapnon men oxygen plant install kar raha hooñ aur har marne waale ke saath mar raha hooñ main apne lafzon ke jariye tumhein saanson ke cylinder bhejoonga jo tumhein is jang men haarne nahin denge aur tumhaari dekhbhaal karne waalon ke haathon ko kaampane nahin denge oxygen stock khatm hone ki khabren gardish bhi karen to kya main tumhaare li.e apni nazmon se ventilator banaoonga aspataalon ke bistar bhar bhi jaayen kuchh log tumse bichhad bhi jaayen to hausla mat haarna kyunki raat chahe jitni marzi kaali ho guzar jaane ke li.e hoti hai rang utar jaane ke li.e hote hain aur zakham bhar jaane ke hote hain

mere zakhm nahin bharte yaaron mere naakhun badhte jaate hain main tanhaa ped hoon jungle ka mere patte jhadte jaate hain main kaun hoon kya hoon kab ki hoon ek teri kab hoon sabki hoon main koel hoon shehraao ki mujhe taab nahin hai chaanv ki ek daldal hai tere vaadon ki mere pair ukhadte jaate hain mere zakhm nahin bharte yaaro mere naakhun badhte jaate hain main kis bacche ki gudiya thii main kis pinjare ki chidiya thii mere khelne waale kahaan ga.e mujhe choomne waale kahaan ga.e mere jhumke girvi mat rakhna mere kangan tod na dena main banjar hoti jaati hoon kahii dariyaa mod na dena kabhi milnaa is par sochenge ham kya manzil par pahunchenge raaston men hi ladte jaate hain mere zakhm nahin bharte yaaron mere naakhun badhte jaate hain

dareecha-haa-e-khayaal chahta hooñ ki bhool jaaun tumhein aur ye sab dareecha-haa-e-khayaal jo tumhaari hi samt khulte hain band kar doon kuchh is tarah ki yahaañ yaad ki ik kiran bhi aa na sake chahta hooñ ki bhool jaaun tumhein aur KHud bhi na yaad aaun tumhein jaise tum sirf ik kahaanii theen jaise main sirf ik fasana tha

bhalii si ek shakl thii bhale dinon ki baat hai bhalii si ek shakl thina ye ki husn-e-taam hona dekhne men aam sina ye ki vo chale to kahkashaan si raahguzaar lage magar vo saath ho to phir bhala bhala safar lage koi bhi rut ho us ki chhab fazaa ka rang-roop thii vo garmiyon ki chaanv thii vo sardiyon ki dhoop thii na muddaton juda rahena saath subh-o-shaam hona rishta-e-wafa pe zidna ye ki izn-e-aam ho na aisi khush-libaasiyaan ki saadgi gilaa karena itni be-takallufi ki aaina haya kare na ikhtilaat men vo ram ki bad-maza hon khwaahisheinna is qadar supurdagi ki zach karen nawaazisheinna aashiqi junoon ki ki zindagi azaab hona is qadar kathor-pan ki dosti KHaraab ho kabhi to baat bhi khafi kabhi sukoot bhi sukhun kabhi to kisht-e-zaafaran kabhi udaasiyon ka ban suna hai ek umr hai muaamalaat-e-dil ki bhi visaal-e-jan-faza to kya firaq-e-jan-gusil ki bhi so ek roz kya hua vafaa pe bahs chhid gaii main ishq ko amar kahooñ vo meri zid se chid gaii main ishq ka aseer tha vo ishq ko qafas kahe ki umr bhar ke saath ko vo bad-tar-az-hawas kahe shajar hazar nahin ki ham hamesha pa-b-gil rahenna dhor hain ki rassiyaan gale men mustaqil rahen mohabbaton ki wusaaten hamaare dast-o-pa men hain bas ek dar se nisbatein sagaan-e-ba-wafa men hain main koi painting nahin ki ik fra men men rahoon vahii jo man ka meet ho usii ke prem men rahoon tumhaari soch jo bhi ho main us mizaaj ki nahin mujhe vafaa se bair hai ye baat aaj ki nahin na us ko mujh pe maan thana mujh ko us pe zoom hi jo ahd hi koi na ho to kya gham-e-shikastagi so apna apna raasta hasi-khushi badal diya vo apni raah chal padi main apni raah chal diya bhalii si ek shakl thii bhalii si us ki dosti ab us ki yaad raat din nahin magar kabhi kabhi

mujh se pahli si mohabbat mirii mahboob na maang mujh se pahli si mohabbat mirii mahboob na maang main ne samjha tha ki tu hai to darkhshan hai hayaat teraa gham hai to gham-e-dehr ka jhagda kya hai teri soorat se hai aalam men bahaaron ko sabaat teri aankhoñ ke siva duniya men rakha kya hai tu jo mil jaa.e to taqdeer nigoon ho jaa.e yuñ na tha main ne faqat chaaha tha yuñ ho jaa.e aur bhi dukh hain zamaane men mohabbat ke siva raahatein aur bhi hain vasl ki raahat ke siva an-ginat sadiyon ke tareek bheemaana tilism resham o atlas o kamkhaab men bunwaaye hue jaa-ba-jaa bikte hue koocha-o-baazaar men jism KHaak men luthde hue KHoon men nahlaaye hue jism nikle hue amraaz ke tannooron se peep bahti hui galte hue naasooron se laut jaati hai udhar ko bhi nazar kya kijeye ab bhi dilkash hai tira husn magar kya kijeye aur bhi dukh hain zamaane men mohabbat ke siva raahatein aur bhi hain vasl ki raahat ke siva mujh se pahli si mohabbat mirii mahboob na maang

vaham raat jaagi to kahii sehen main sukhe patte churmur aa.e ke koi aaya koi aaya hai aur ham shauq ke maare hue daude aa.e go ke maaloom hai tu hai na teraa saaya hai ham ke dekhen kabhi daalaan kabhi sookha chamanus pe dheemi si tamannaa ke pukaare jaayein phir se ik baar teri khwaab si aañkhen dekhen phir tere hijr ke haathon hi bhale maare jaayein ham tujhe apni sadaaon main basaane waale itnaa cheekhen ke tere vaham lippat ke roein par tere vaham bhi teri hi tarah qaatil hain so vahii dard hai jaana kaho kaise soein bas isee karb ke pehlu main guzaare hain peher bas yoonhi gham kabhi kaafi kabhi thode aa.e phir achaanak kisi lamhe main jo chatkhe patte ham vahii shauq ke maare hue daude aa.e

izteraab jahaan main izteraab hai nahin nahin jahaan hi izteraab hai hazaar haan kawaakabo najoom haay kahkashaan se atammon ki kokh tak madaar dar madaar har vujood be qaraar hai ye mehro maaho mushtari se har electron tak ye jhoom jhoom ghoomne main jis tarah ka raqs hai mujhe samajh main aa gaya jahaan teraa aks hai vo aks jo jagah jagah qadam qadam ridham pe hai jahaan ain sur main hai jahaan ain saim pe hai jahaan tarannumon ki list main se intikhaab hai jo tujh haseen dimaagh ke haseen la shaour main banaa ho aisa khwaab hai jahaan izteraab hai mujhe samajh main aa gaya hai ye jahaan khaala makaan zamaan ke chand taar se banaa hua sitaar hai usse kaho kisi tarah sitaar chhedti rahe usse kaho ke thodii dier aur bolti rahe

raaygaani main kamre men pichhle ikattees dinon se faqat is haqeeqat ka nuksaan ginne ki koshish men uljha hua hooñ ki tu ja chuki hai tujhe raaygaani ka ratti barabar andaaza nahin hai tujhe yaad hai vo zamaana jo campus ki pagdandiyon pe tahalte hue kat gaya tha tujhe yaad hai ki jab qadam chal rahe the ki ek pair teraa tha aur ek meraa qadam vo jo dharti pe aawaaz dete ki jaise ho raaga koi mutriboon ka qadam jaise ke sa pa ga ma pa ga sa re vo table ki tirakhat pe tak dhin dhinka dhin tink dhin dhana dhin bahm chal rahe the qadam chal rahe the qadam jo musalsal agar chal rahe the to kitne gavaiyon ke ghar chal rahe the magar jis gha dii tu ne us raah ko mere tanha qadam ke hawaale kiya un suron ki kahaanii wahin ruk gaii kitnii fankaariyaan kitnii baarikiyaan kitnii kaliyaan bilaaval gavaiyon ke honthon pe aane se pahle fana ho gaye kitne nusrat fateh kitne mehn dii hasan muntazir rah gaye ki hamaare qadam phir se uthne lagen tujhko maaloom hai jis gha dii meri awaaz sun ke tu ik zaaviye pe palat ke mu dii thii wahaan se relativity ka janaaza utha tha ki us zaaviye ki kashish men hi yoonan ke falsafe sab zamaanon ki tarteeb barbaad kar ke tujhe dekhne aa gaye the ki tere jhukaav ki tamsil pe apni seedhi lakeeron ko kham de saken apni ak dii hui gardanon ko liye apne vaqton men palten geometry ko janam de saken ab bhi kuchh falsafi apne feke zamaanon se bhaage hue hain mere raaston pe aañkhen bichhaaye hue apni daanisht men yuñ khade hain ki jaise vo daanish ka mamba yahiin pe kahii hai magar mud ke takne ko tu hi nahin hai to kaise florence ki tang galiyon se koi davinci uthe kaise hispania men picasso bane unki aankhoñ ko tu jo muyassar nahin hai ye sab tere mere ikatthe na hone ki qeemat ada kar rahe hain ki tere na hone se har ik zama men har ek fan men har ek dastaan men koi ek chehra bhi taza nahin hai tujhe raaygaani ka ratti barabar andaaza nahin hai

raaygaani-2 jo baat ginti ke kuchh dinon se shuroo thii vo saal-ha-saal tak chali hai kaii zamaanon men bant gaii hai main in zamaanon men lamha lamha tumhaari nazaron ke bin raha hooñ main ab talak bhi tumhaare jaane ka baaki nuksaan gin raha hooñ mujhe zamaana ye kah raha tha ki raaygaani mubaalga hai bhala tumhaari judaai ka dukh zamaan makaan ko hila raha hai bhala relativity ki science kisi ke murne se munselik hai inhen batao tumhaare jaane ka dukh utha kar faqat akela vo main nahin tha jo zarra zarra bikhar gaya tha tumhaare jaane ke kuchh dinon men hamaara hawking bhi mar gaya tha aur uski theory ke kaale gadde jinhen hamesha tumhaari aankhoñ men dekhna tha vo mere chehre pe pad ga.e hain vo meri aankhoñ men gad ga.e hain tumhaare jaane ke baad sab kuchh hi ek assee ke zaaviye par palat gaya hai ki meraa hona tumhaare hone se munselik tha tumhaari aankhoñ ki raushni thii to main bhi duniya men ho raha tha tumhaare lehje ke sur mile the to main banaa tha tumhaare haathon ka lams haathon ko mil raha tha to dekhta tha hamaare haathon men atomon ki dafa ki kuwwat kashish men kaise badal rahi hai par ab tumhaari nazar kahii hai tumhaara lahjaa bhi ab nahin hai to tum batao main kis tariqe se apni hasti ko naisti se juda karunga main dang aankhoñ se saari duniya ko dekhta hooñ aur apne hone ki koi illat talaashta hooñ ajeeb tarah ka be-nishaan be-makaam dukh hai samajhne waale samajh ga.e the ye raaygaani hai raaygaani tamaam sadiyon ka khaam dukh hai main ab haqeeqat samajh raha hooñ tamaam dukh tha tamaam dukh hai tumhein bataaun kisi ke hone ka koi maqsad koi maani kahii nahin hai agar to nietzsche nahin mara hai to us se poocha kya karenge zameen pe rah ke pale badhenge baka ki khaatir lade marengay phir apne jaise kaii janenge aur is jahaan se nikal padenge jinhe janenge vo sab ke sab bhi yahii karenge pale badhenge lade marengay phir un ke bacche aur un ke bacche ye kya tamasha-e-ha-o-hoo hai ye zindagi hai to aakh thoo hai