tu mohabbat se koi chaal to chal haar jaane ka hausla hai mujhe

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare

aaiine aankh men chubhte the bistar se badan katraata tha ek yaad basar karti thii mujhe main saans nahin le paata tha

ruken to dhoop se nazrein bachaate rahte hain chalen to kitne darakht aate jaate rahte hain

main hosh-mand hooñ KHud bhi so meri ghazlon meinna raqs karta hai aashiq na baal kheenchta hai

banaao taajmahal ke bajaaye taash mahal tamaam umr muhabbat karo girao banaao

jo log KHud na karte the honthon se paan saaf palkon se kar rahe hain teraa paaydaan saaf

is dil ki iint iint tere baad hil gaii tu chal diya to ishq ki buniyaad hil gaii