tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

kisi ko ghar se nikalte hi mil gaii manzil koi hamaari tarah umr bhar safar men raha

ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use

jaane kis haal men ham hain ki ha men dekh ke log ek pal ke li.e rukte hain guzar jaate hain

main kya karoon mere qaateel na chaahne par bhi tere li.e mere dil se dua nikalti hai

na manzilon ko na ham raahguzaar ko dekhte hain ajab safar hai ki bas hum-safar ko dekhte hain

aisi taariqiyaan aankhoñ men basi hain ki faraaz raat to raat hai ham din ko jalate hain charaaghh