us ladki se bas ab itnaa rishta hai mil jaa.e to baat wagaira karti hai baarish mere rab ki aisi nemat hai rone men aasaani paida karti hai

vo jo geet tum ne suna nahin meri umr bhar ka riyaaz tha mere dard ki thii vo dastaan jise tum hañsi men uda ga.e

KHuda bachaaye tiri mast mast aankhoñ se farishta ho to bahak jaa.e aadmi kya hai

ik yaad rah gaii hai magar vo bhi kam nahin ik dard rah gaya hai so rakhna sanbhaal kar

ab ye bhi nahin theek ki har dard mita den kuchh dard kaleje se lagaane ke li.e hain

raat ro ro ke guzaari hai charaaghon kii tarah tab kahiiñ harf men taaseer nazar aayi hai

zameen itni nahin hai ki paanv rakh paaye dil-e-kharaab kii zid hai ki ghar banaya jaa.e

padne laga tha ek khalal sa udaan men raste se aasmaan hatna pada mujhe

main jaldabaazi men khud hi utha ke le aaya mere badan pe abhii kaam hone vaala tha

ab aasmaan bhi kam pad rahe hain us ke li.e qadam zameen pe rakkha tha jis ne darte hue