tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

kis darja dilshikan the mohabbat ke haadse ham zindagi men phir koii armaan na kar sake

abhii na chhed mohabbat ke geet ai mutarib abhii hayaat ka maahol khushgawaar nahin

yoonhi dil ne chaaha tha rona-rulaana tiri yaad to ban gaii ik bahaana

phir kho na jaayen ham kahiin duniya kii bheed men milti hai paas aane kii mohlat kabhi kabhi

zulm phir zulm hai badhta hai to mit jaata hai KHoon phir KHoon hai tapkega to jam jaayega