Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

shaayad mujhe kisi se mohabbat nahin hui lekin yaqeen sab ko dilaata raha hooñ main

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

gale milnaa na milnaa to teri marzi hai lekin tere chehre se lagta hai teraa dil kar raha hai

manzilen kya hain raasta kya hai hausla ho to fasla kya hai

partav se jis ke aalam-e-imkaan bahaar hai vo nau-bahaar-e-naaz abhii raahguzaar men hai

shab ke sannaate men ye kis ka lahu gaata hai sarhad-e-dard se ye kis ki sadaa aati hai

purane saal ki thithuri hui parchaaiyaan simteen naye din ka naya suraj ufuq par uthata aata hai

daaman jhatak ke vaadi-e-gham se guzar gaya uth uth ke dekhti rahi gard-e-safar mujhe

maqtal-e-shauq ke aadaab niraale hain bahut dil bhi qaateel ko diya karte hain sar se pahle