shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

kisi ko ghar se nikalte hi mil gaii manzil koi hamaari tarah umr bhar safar men raha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

dil se saabit karo ki zinda ho saans lena koi suboot nahin

dushman-e-jaan hi sahi saath to ik umr ka hai dil se ab dard kii rukhsat nahin dekhi jaati

ye be-sabab nahin aa.e hain aankh men aañsu khushi ka lamha koii yaad aa gaya hogaa

hamne maana ik na ik din laut ke tu aa jaayega lekin tujh bin umr jo guzri kaun use lautaaega

bahut qareeb rahi hai ye zindagi ham se bahut aziz sahi e'tibaar kuchh bhi nahin

kisi ke tum ho kisi ka KHuda hai duniya men mere naseeb men tum bhi nahin KHuda bhi nahin