shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

gale milnaa na milnaa to teri marzi hai lekin tere chehre se lagta hai teraa dil kar raha hai

janaaze par mere likh dena yaaron mohabbat karne vaala ja raha hai

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

main parvaton se ladta raha aur chand log geeli zameen khod ke farhaad ho ga.e

ai watan ik roz teri KHaak men kho jaayenge so jaayenge mar ke bhi rishta nahin chhootega hindustan se imaan se

vo chahta tha ki kaasa khareed le meraa main us ke taaj ki qeemat laga ke laut aaya

ham se pahle bhi musaafir kaii guzre honge kam se kam raah ke patthar to hataate jaate

main vo dariyaa hooñ ki har boond bhanwar hai jis kii tumne achha hi kiya mujh se kinaara kar ke