hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

hamko dil se bhi nikala gaya phir shahar se bhi hamko patthar se bhi maara gaya phir zehar se bhi

sochun to saari umr mohabbat men kat gaii dekhooñ to ek shaKHs bhi meraa nahin hua

dil se saabit karo ki zinda ho saans lena koi suboot nahin

ham to kuchh der hañs bhi lete hain dil hamesha udaas rehta hai

jo un pe guzarti hai kis ne use jaana hai apni hi museebat hai apna hi fasana hai

mirii zindagi to guzri tire hijr ke sahaare mirii maut ko bhi pyaare koi chahiye bahaana

humeen jab na honge to kya rang-e-mahfil kise dekh kar aap sharmaaiega

koocha-e-ishq men nikal aaya jis ko khaana-kharaab hona tha

jo toofaanon men palte ja rahe hain vahii duniya badalte ja rahe hain