tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

baaki jo chup rahoge to utthengi ungaliyaan hai bolna bhi rasm-e-jahaan bolte raho

vaqt ke paas hain kuchh tasveerein koi dooba hai ki ubhara dekho

tum zamaane kii raah se aa.e warna seedha tha raasta dil ka

har naye haadse pe hairaani pahle hoti thii ab nahin hoti

tum bhi ulti ulti baatein poochte ho ham bhi kaisi kaisi qasmen khaate hain