ham kisi ko raah men kuchh der bhi tak len agar paagalon ko jo mile to sab ke sab paagal mile

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

kisi ko ghar se nikalte hi mil gaii manzil koi hamaari tarah umr bhar safar men raha

kuchh na rah sakaa jahaan viraaniyaan to rah gaiin tum chale ga.e to kya kahaaniyaan to rah gaiin

bol ki lab azaad hain tere bol zabaan ab tak teri hai

ye daagh daagh ujaala ye shab-gazeeda sehar vo intizaar tha jis ka ye vo sehar to nahin

zindagi kya kisi mufalis ki qaba hai jis men har ghadi dard ke paivand lage jaate hain

ye aarzoo bhi badi cheez hai magar hamdam visaal-e-yaar faqat aarzoo ki baat nahin

faiz ki raah sar-b-sar manzil ham jahaan pahunchen kaamyaab aa.e