kisi gali men kiraye pe ghar liya usne phir us gali men gharo ke kiraye badhne lage

kyuuñ darein zindagi men kya hogaa kuchh na hogaa to tajurba hogaa

sabhi ka KHoon hai shaamil yahaañ ki miTTi men kisi ke baap ka hindustan thodii hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

hazaaron saal nargis apni be-noori pe roti hai badi mushkil se hota hai chaman men deeda-war paida

ye saal bhi udaasiyaan de kar chala gaya tum se mile baghair december chala gaya

duniya men vahii shaKHs hai tazeem ke qaabil jis shaKHs ne haalaat ka rukh mod diya ho

takra gaya vo mujh se kitaaben li.e hue phir meraa dil aur us kii kitaaben bikhar gaiin

nateeja phir vahii hogaa suna hai saal badlega parinde phir vahii honge shikaari jaal badlega vahii haakim vahii gurbat vahii qaateel vahii ghaasib batao kitne saalon men hamaara haal badlega

lagta hai kaii raaton ka jaaga tha musavvir tasveer kii aankhoñ se thakan jhaank rahi hai