shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

gale milnaa na milnaa to teri marzi hai lekin tere chehre se lagta hai teraa dil kar raha hai

muddatein guzar gayi hisaab nahin kiyana jaane ab kiske kitne rah ga.e ham

vo zamaana guzar gaya kab ka tha jo deewaana mar gaya kab ka

baadbaan naaz se lahara ke chali baad-e-muraad kaarwaan eed manaa qaafila-salaar aaya

suboot hai ye mohabbat ki saada-laohi ka jab us ne vaa'da kiya ham ne e'tibaar kiya

mar ke paaya shaheed ka rutba meri is zindagi kii umr daraaz

us ne vaa'da kiya hai aane ka rang dekho gareeb khaane ka

mujh ko to hosh nahin tum ko khabar ho shaayad log kahte hain ki tum ne mujhe barbaad kiya