dil se saabit karo ki zinda ho saans lena koi suboot nahin

tum mohabbat ko khel kahte ho ham ne barbaad zindagi kar li

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

mas'ala ye nahin ki ishq hua hai ham ko mas'ala ye hai ki izhaar kiya jaana hai

shaayad mujhe kisi se mohabbat nahin hui lekin yaqeen sab ko dilaata raha hooñ main

baadbaan naaz se lahara ke chali baad-e-muraad kaarwaan eed manaa qaafila-salaar aaya

mar ke paaya shaheed ka rutba meri is zindagi kii umr daraaz

suboot hai ye mohabbat ki saada-laohi ka jab us ne vaa'da kiya ham ne e'tibaar

us ne vaa'da kiya hai aane ka rang dekho gareeb khaane ka

mujh ko to hosh nahin tum ko khabar ho shaayad log kahte hain ki tum ne mujhe barbaad kiya