hazaaron saal nargis apni be-noori pe roti hai badi mushkil se hota hai chaman men deeda-war paida

le de ke apne paas faqat ik nazar to hai kyun dekhen zindagi ko kisi ki nazar se ham

ab hawaaein hi karengi raushni ka faisla jis diye men jaan hogii vo diya rah jaayega

zindagi bhar ke li.e dil pe nishaani pad jaa.e baat aisi na likho likh ke mitaani pad jaa.e

main qissa mukhtasar kar ke zaraa neechi nazar kar ke ye kahtaa hooñ abhii tum se mohabbat ho gaii tum se

anjaam-e-wafa ye hai jisne bhi mohabbat kii marne kii dua maangi jeene kii saza paai

badi hasrat se insaan bachpane ko yaad karta hai ye phal pak kar dobara chahta hai khaam ho jaa.e

ik nazar ka fasana hai duniya sau kahaanii hai ik kahaanii se

jo bismil banaa de vo qaateel tabassum jo qaateel banaa de vo dilkash nazaara mohabbat ka bhi khel naazuk hai kitna nazar mil gaii aap jeete main haara

hasti ka nazaara kya kahiye marta hai koi jeeta hai koi jaise ki diwali ho ki diya jalta jaa.e bujhta jaa.e