teri soorat se hai aalam men bahaaron ko sabaat teri aankhoñ ke siva duniya men rakha kya hai

le de ke apne paas faqat ik nazar to hai kyun dekhen zindagi ko kisi ki nazar se ham

ye bahs chhod ki kitnii haseen hai duniya tu ye bataa ki teraa dil kahii laga ki nahin

main ek kirdaar se badaa tang hooñ qalamkaar mujhe kahaanii men daal ghussa nikaalna hai

jhooth hai sab zaheen dhoka hai is nazar ka yaqeen dhoka hai toot jaayega dil to samjhoge ye muhabbat haseen dhoka hai

hazaar shama' farozaan ho raushni ke li.e nazar nahin to andhera hai aadmi ke li.e

anjaam-e-wafa ye hai jisne bhi mohabbat kii marne kii dua maangi jeene kii saza paai

hasti ka nazaara kya kahiye marta hai koi jeeta hai koi jaise ki diwali ho ki diya jalta jaa.e bujhta jaa.e

jo bismil banaa de vo qaateel tabassum jo qaateel banaa de vo dilkash nazaara mohabbat ka bhi khel naazuk hai kitna nazar mil gaii aap jeete main haara

badi hasrat se insaan bachpane ko yaad karta hai ye phal pak kar dobara chahta hai khaam ho jaa.e