tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

us..ko fursat nahin milti ki palat kar dekhe ham hi deewane hain deewane bane rahte hain

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

kuchh waqt ne toda hai bharam aur kuchh usne main to ye samajhta tha koii baat hai mujh men

aur ab duniya meri tanhaaii men deti hai dakhl main bhi patthar fenkta rehta tha thehri jheel par

saath men tu mere do gaam to chal saka hai itnaa chalne se meraa kaam to chal saka hai tere dil men kisi shayar ki jagah to hogii is ilaake men meraa naam to chal saka hai

tumhaari shakl kisi shakl se milaate hue main kho gaya hooñ naya raasta banaate hue

gham men ham soorat-e-gamkhaar nahin padhte hain isliye meer ke ash'aar nahin padhte hain meri aañkhen teri tasveer se ja lagti hain subh uthkar sabhi akhbaar nahin padhte hain