agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

nahin lagega use dekh kar magar KHush hai main KHush nahin hooñ magar dekh kar lagega nahin

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

tujhe yaad karte karte main ye sochta hooñ akshar teraa hijr bhi na ho to mere paas aur kya hai

ik taraf husn-e-tabassum ik taraf husn-e-hayaa aur us par jaan leva aapki angdaai hai

teri har ada hai dilkash teraa husn dilruba hai tujhe jab se maine dekha mujhe ishq ho gaya hai

zabaan se apne na ham kahein kuchh na vo kahein kuchh nazar samajh le nazar ki harkat vo shayari hai

hamse jo door raha karte hain unko akshar dil ki awaaz sunaane ko ghazal kahte hai