shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

mujh ko us kii aankhoñ men koodne kii aadat hai main tumhein bataaunga khud-kushi ke baare men

main apne aap men gahra utar gaya shaayad mire safar se alag ho gaii ravaani mirii

koi andar ki ghutan ka bhi ilaaj gaaliyaan kaaghaz pe likh kar fenk de

sunhari ladkiyon inko milo milo na milo gareeb hote hain bas KHvaab dekhne ke li.e

dekh kaise dhul ga.e hai giryaa-o-zaari ke baad aasmaañ baarish ke baad aur main azaadari ke baad isse badh kar to tujhe koi hunar aata nahin sochta hooñ kya karega dil azaari ke baad