koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

mohabbat ke gharo ke kacche-pan ko ye kahaan samjhen in aankhoñ ko to bas aata hai barsaatein badi karna

zaraa sa qatra kahii aaj agar ubharta hai samundron hi ke lehje men baat karta hai

kuchh to kar aadaab-e-mahfil ka lihaaz yaar ye pahluu badalna chhod de

tu samajhta hai ki rishton ki duhaai denge are ham to vo hain tere chehre se dikhaai denge

nazarandaaz karne kii saza deni thii tujh ko tere dil men utar jaana zaroori ho gaya tha