agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

hazaaron saal nargis apni be-noori pe roti hai badi mushkil se hota hai chaman men deeda-war paida

kisi ko ghar se nikalte hi mil gaii manzil koi hamaari tarah umr bhar safar men raha

insaano ko jalwaayegi kal is se ye duniya jo bachcha khilauna bhi zameen par nahin rakhta

KHaamushi kab cheekh ban jaa.e kise maaloom hai zulm kar lo jab talak ye bezbaani aur hai

vo zalim meri har KHvaahish ye kah kar taal jaata hai december january men koi nainital jaata hai

saza kitnii badi hai gaav se baahar nikalne ki main miTTi goondhta tha ab double-roti banata hooñ

woh chahe majnoon ho farhaad ho ki raanjha ho har ek shaKHs meraa ham sabq nikalta hai