agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

suna hai shahar men zakhmi dilon ka mela hai chalenge ham bhi magar pairhan rafu kar ke

khulii hain aañkhen magar badan hai tamaam patthar koii bataaye main mar chuka hooñ ki jee raha hooñ

ik ajnabi jhonke ne jab poocha mire gham ka sabab sehra kii bheegi ret par maine likha aawaargi

ab ek pal ka taghaaful bhi sah nahin sakte ham ahl-e-dil kabhi aadi the intizaar ke bhi

har vaqt ka hansna tujhe barbaad na kar de tanhaaii ke lamhon men kabhi ro bhi liya kar