shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

sochun to saari umr mohabbat men kat gaii dekhooñ to ek shaKHs bhi meraa nahin hua

sukoon qalb ko jis se mil jaa.e taabaan ghazal koi aisi suna deejiyega

tu us nigaah se pee waqt-e-may-kashee taabaan ki jis nigaah pe qurbaan paarsaai ho

samajh se kaam jo leta har ek bashar taabaanna haaha-kaar hi machte na ghar jala karte

sitam bhi mujh pe vo karta raha karam ki tarah vo meherbaan to na tha mehrbaan jaisa tha

shaayad aa jaa.e kabhi dekhne vo rask-e-masiha main kisi aur se is vaaste achha na hua