shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

kisi ko ghar se nikalte hi mil gaii manzil koi hamaari tarah umr bhar safar men raha

gale milnaa na milnaa to teri marzi hai lekin tere chehre se lagta hai teraa dil kar raha hai

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

tu us nigaah se pee waqt-e-may-kashee taabaan ki jis nigaah pe qurbaan paarsaai ho

sukoon qalb ko jis se mil jaa.e taabaan ghazal koi aisi suna deejiyega

shaghl tha dasht-navar dii ka kabhi ai taabaan ab gulistaan men bhi jaate hue dar lagta hai

samajh se kaam jo leta har ek bashar taabaanna haaha-kaar hi machte na ghar jala karte

kisi ki barq-e-nazar se na bijliyon se jale kuchh is tarah ki ho ta'aamir aashiyaane ki