shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

dekho ham koi wahshi nahin deewane hain tumse button khulwane nahin lagwane hain

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

sochun to saari umr mohabbat men kat gaii dekhooñ to ek shaKHs bhi meraa nahin hua

vo na-samajh mujhe patthar samajh ke chhod gaya vo chahta to sitaare taraashta mujh se

ye mujhe neend men chalne ki jo beemaarii hai mujh ko ik khwaab-sara apni taraf kheenchti hai

ho na ho ek hi tasveer ke do pahluu hain raqs karta hua tu aag men jalta hua main

us ek khat ne sukhnavar banaa diya mujh ko vo ek khat ki jo likkha nahin gaya mujh se

itnaa masroof hooñ jeene ki havas men shaahid saans lene ki bhi furqat nahin hoti mujh ko