hamaare baad tere ishq men naye ladke badan to choomenge zulfen nahin sanvaarenge

dil na-umeed to nahin naakaam hi to hai lambi hai gham ki shaam magar shaam hi to hai

chale bhi aao bhula kar sabhi gile-shikwe barsna chahiye holi ke din visaal ka rang

subh-e-magroor ko vo shaam bhi kar deta hai shohraten cheen ke gumnaam bhi kar deta hai vaqt se aankh milaane ki himaakat na karo vaqt insaan ko neelaam bhi kar deta hai

hamne ab tak gaal bacha ke rakhe hain kya tumne bhi gulaal bacha ke rakhe hain

ghairon se to fursat tumhein din raat nahin hai haan mere li.e waqt-e-mulaqaat nahin hai

naala-e-bulbul-e-shaida to suna hañs hañs kar ab jigar thaam ke baitho mirii baari aayi

meri hi jaan ke dushman hain naseehat waale mujh ko samjhaate hain un ko nahin samjhaate hain

bhaanp hi lenge ishaara sar-e-mahfil jo kiya tadne waale qayamat ki nazar rakhte hain

munh par naqaab-e-zard har ik zulf par gulaal holi ki shaam hi to sehar hai basant ki