use kisi se mohabbat thii aur vo main nahin tha ye baat mujhse zyaada use rulaati thii

bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

ye mujhe chain kyun nahin padta ek hi shaKHs tha jahaan men kya

koi shahar tha jiski ek gali meri har aahat pahchaanti thii mere naam ka ik darwaaza tha ik khidki mujh...ko jaanti thii

kya khabar kaun tha vo aur meraa kya lagta tha jisse milkar mujhe har shaKHs bura lagta tha

watan kii fikr kar naadaan museebat aane waali hai teri barbaadiyon ke mashware hain aasmaanon men

aankh jo kuchh dekhti hai lab pe aa saktaa nahin mahv-e-hairat hooñ ki duniya kya se kya ho jaayegi

dhoondhta firta hooñ main iqbaal apne aap ko aap hi goya musaafir aap hi manzil hooñ main

har ik maqaam se aage maqaam hai teraa hayaat zauq-e-safar ke siva kuchh aur nahin

yaqeen mohkam amal paiham mohabbat faateh-e-aalam jihaad-e-zindagaani men hain ye mardon ki shamshirein