kisi ko ghar se nikalte hi mil gaii manzil koi hamaari tarah umr bhar safar men raha

main tere baad koi tere jaisa dhoondhta hooñ jo be-vafaaii kare aur be-vafa na lage

tere siva bhi kaii rang KHush nazar the magar jo tujhko dekh chuka ho vo aur kya dekhe

dil se saabit karo ki zinda ho saans lena koi suboot nahin

agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

lutate hain vo daulat husn ki baawar nahin aata ha men to ek bosa bhi badi mushkil se milta hai

aañsu hamaare gir ga.e un ki nigaah se in motiyon ki ab koi qeemat nahin rahi

shab ko may khoob si pee subh ko tauba kar li rind ke rind rahe haath se jannat na gaii

aata hai jee men saaqi-e-mah-wash pe baar baar lab choom luun tira lab-e-paimaana chhod kar

bahaar aayi ki din holi ke aa.e gulon men rang khela ja raha hai