uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

sab ne maana marne vaala dahshat-gard aur qaateel tha maa ne phir bhi qabr pe us ki raaz-dulaara likkha tha

us..ko apne paas bitha lene se hi dhadkan tez aur saansen bhari hoti hai shaad tu sab kuchh badha chadha ke kahtaa hai kaunsi ladki itni pyaari hoti hai

is qadar jazb ho ga.e dono dard khenchoon to dil nikal aa.e

khushbuon se naha ke chaand aaya kis qadar jagmaga ke chaand aaya bad-naseebi hai meri aankhoñ ki mask munh pe laga ke chaand aaya

had se takraati hai jo shay vo palatti hai zaroor KHud bhi roenge gharibon ko rulaane waale

mohabbat wahin tak hai sacchi mohabbat jahaan tak koi ahad-o-paimaan nahin hai

kis ne bheege hue baalon se ye jhatka paani jhoom ke aayi ghatta toot ke barsa paani

kis kaam ki aisi sachchaai jo tod de ummeedein dil ki thodii si tasalli ho to gaii maana ki vo bol ke jhooth gaya

aarzoo jaam lo jhijak kaisi pee lo aur dahshat-e-gunaah gaii