agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

muddatein guzar gayi hisaab nahin kiyana jaane ab kiske kitne rah ga.e ham

hazaaron saal nargis apni be-noori pe roti hai badi mushkil se hota hai chaman men deeda-war paida

ham apni jaan ke dushman ko apni jaan kahte hain mohabbat ki isee miTTi ko hindustan kahte hain

isi li.e to sabse zyaada bhaati ho kitne sacche dil se jhoothi qasmen khaati ho

khushrang nazar aata hai jaazib nahin lagta maahol mere dil se mukhaatib nahin lagta main bhi nahin har she'r men maujood ye sach hai ghalib bhi har ik she'r men ghalib nahin lagta

kahaan se chala tha nigaahon men kya tha kahaan ja raha tha mujhe sochne do meraa saaz kya tha meri tarz kya thii main kya ga raha tha mujhe sochne do

dil jiska mohabbat men girftaar raha hai vo meri madad ke li.e taiyaar raha hai aaghaaz-e-mohabbat ka fasana bhi tha dilchasp barbaa dii ka qissa bhi mazedaar raha hai

har gaam tere ishq ka ikraar hai main hooñ zanjeer hai zanjeer ki jhankaar hai main hooñ ai zeest jo sabse badi fankaar hai tu hai aur tujhse badaa vo jo adakaar hai main hooñ

deewaar uthaane ki tijaarat nahin aayi dilli men rahe aur siyaasat nahin aayi bikne ko to dil bik gaya bazaar men lekin jo aap bataate the vo qeemat nahin aayi