tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaayad mujhe kisi se mohabbat nahin hui lekin yaqeen sab ko dilaata raha hooñ main

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

raahon men jaan ghar men charaaghon se shaan hai deepaavali se aaj zameen aasmaan hai

khushrang nazar aata hai jaazib nahin lagta maahol mere dil se mukhaatib nahin lagta main bhi nahin har she'r men maujood ye sach hai ghalib bhi har ik she'r men ghalib nahin lagta

kahaan se chala tha nigaahon men kya tha kahaan ja raha tha mujhe sochne do meraa saaz kya tha meri tarz kya thii main kya ga raha tha mujhe sochne do

har gaam tere ishq ka ikraar hai main hooñ zanjeer hai zanjeer ki jhankaar hai main hooñ ai zeest jo sabse badi fankaar hai tu hai aur tujhse badaa vo jo adakaar hai main hooñ

deewaar uthaane ki tijaarat nahin aayi dilli men rahe aur siyaasat nahin aayi bikne ko to dil bik gaya bazaar men lekin jo aap bataate the vo qeemat nahin aayi