tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

khushrang nazar aata hai jaazib nahin lagta maahol mere dil se mukhaatib nahin lagta main bhi nahin har she'r men maujood ye sach hai ghalib bhi har ik she'r men ghalib nahin lagta

raahon men jaan ghar men charaaghon se shaan hai deepaavali se aaj zameen aasmaan hai

kahaan se chala tha nigaahon men kya tha kahaan ja raha tha mujhe sochne do meraa saaz kya tha meri tarz kya thii main kya ga raha tha mujhe sochne do

har gaam tere ishq ka ikraar hai main hooñ zanjeer hai zanjeer ki jhankaar hai main hooñ ai zeest jo sabse badi fankaar hai tu hai aur tujhse badaa vo jo adakaar hai main hooñ

dil jiska mohabbat men girftaar raha hai vo meri madad ke li.e taiyaar raha hai aaghaaz-e-mohabbat ka fasana bhi tha dilchasp barbaa dii ka qissa bhi mazedaar raha hai