tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

kisi gali men kiraye pe ghar liya usne phir us gali men gharo ke kiraye badhne lage

daava bahut badaa hai riyaazi men aap ko tool-e-shab-e-firaq ko to naap deejie

jo waqt-e-khatna main cheekha to naai ne kaha hañs kar musalmaani men taqat KHoon hi bahne se aati hai

qaum ke gham men dinner khaate hain hukkaam ke saath ranj lider ko bahut hai magar aaraam ke saath

coat aur patloon jab pahna to mister ban gaya jab koi taqreer ki jalse men lider ban gaya

haya se sar jhuka lena ada se muskuraa dena haseenon ko bhi kitna sahal hai bijli giraa dena