gale to lagana hai us se kaho abhii lag jaa.e yahii na ho meraa us ke baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e

aaj to dil ke dard par hañs kar dard ka dil dukha diya main ne

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

chaand chehra zulf dariyaa baat KHushboo dil chaman ik tujhe dekar KHuda ne de diya kya kya mujhe

aaj dekha hai tujh ko der ke ba'd aaj ka din guzar na jaa.e kahii

doston ke saath chalne men bhi khatre hain hazaar bhool jaata hooñ hamesha main sambhal jaane ke baa'd ab zaraa sa fasla rakh kar jalata hooñ charaaghh tajurba ye haath aaya haath jal jaane ke baa'd

kisi ko dhoondte hain ham kisi ke paikar men kisi ka chehra kisi se milaate rahte hain

kabhi kabhi kitna nuksaan uthaana padta hai airon ghairon ka ehsaan uthaana padta hai

haath pakad le ab bhi teraa ho saktaa hooñ main bheed bahut hai is mele men kho saktaa hooñ main

pooch rahe hain mujhse pedon ke saudaagar aab-o-hawa kaise zaahreeli ho jaati hai