koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

zehan se yaadon ke lashkar ja chuke vo meri mehfil se uth kar ja chuke meraa dil bhi jaise pakistan hai sab hukoomat karke baahar ja chuke

titli se dosti na gulaabon ka shauq hai meri tarah use bhi kitaabon ka shauq hai

sochta hooñ ki uski aakhiri call aakhiri hi hui to kya hogaa

meri tanhaaii dekhenge to hairat hi karenge log mohabbat chhod denge ya mohabbat hi karenge log

ab na kaanton hi se kuchh laag na phoolon se lagao ham ne dekha hai tamasha teri raa'naai ka

ummeed ke vaadon se jee kuchh to bahalta tha ab ye bhi tere gham ko manzoor nahin hote

na-ummee dii maut se kahti hai apna kaam kar aas kahti hai thehar khat ka javaab aane ko hai

ik muamma hai samajhne ka na samjhaane ka zindagi kahe ko hai KHvaab hai deewane ka

har museebat ka diya ek tabassum se javaab is tarah gardish-e-dauraan ko rulaaya maine