tu to phir apni jaan hai teraa to zikr kya ham tere doston ke bhi nakhray uthaenge

ho gaya gyaarah ka to dikhne lagin majbooriyaan bees ka hote hi apni naujawaani chhod dii

sochun to saari umr mohabbat men kat gaii dekhooñ to ek shaKHs bhi meraa nahin hua

us ne saari duniya maangi maine us ko maanga haius ke sapne ek taraf hain meraa sapna ek taraf

ham apni jaan ke dushman ko apni jaan kahte hain mohabbat ki isee miTTi ko hindustan kahte hain

koocha-e-ishq men nikal aaya jis ko khaana-kharaab hona tha

yahii hai zindagi to zindagi se KHud-kushi achchhii ki insaan aalam-e-insaaniyat par baar ho jaa.e

husn ko bhi kahaan naseeb jigar vo jo ik shay mirii nigaah men hai

ibtida vo thii ki jeena tha mohabbat men muhaal intiha ye hai ki ab marna bhi mushkil ho gaya

jo un pe guzarti hai kis ne use jaana hai apni hi museebat hai apna hi fasana hai