ungli pakdaao inko to haath milaane lagte hain ek ghazal sun lo to zalim chaar sunaane lagte hain is jeevan men thodii diqqat achchhii hoti hai yaaro khaali sadkon par ham gaadi tez chalaane lagte hain

us..ko apne paas bitha lene se hi dhadkan tez aur saansen bhari hoti hai shaad tu sab kuchh badha chadha ke kahtaa hai kaunsi ladki itni pyaari hoti hai

vaqt kis tezi se guzra roz-marra men muneer aaj kal hota gaya aur din hawa hote ga.e

ghuroor-e-lutf-e-saaqi nashsha-e-be-baaki-e-mastaan nam-e-daaman-e-isyaaan hai taraawat mauj-e-kausar ki

mire suraj aa mire jism pe apna saaya kar ba dii tez hawa hai sar dii aaj ghazab ki hai

bol ki lab azaad hain tere bol zabaan ab tak teri hai

ye aarzoo bhi badi cheez hai magar hamdam visaal-e-yaar faqat aarzoo ki baat nahin

unhin ke faiz se bazaar-e-aql raushan hai jo gaah gaah junoon ikhtiyaar karte rahe

kate bhi chalo badhte bhi chalo baazu bhi bahut hain sar bhi bahut chalte bhi chalo ki ab deray manzil hi pe dale jaayenge

faiz ki raah sar-b-sar manzil ham jahaan pahunchen kaamyaab aa.e