mohabbat apni qismat men nahin hai ibadat se guzaara kar rahe hai

main agar apni jawaani ke suna doon qisse ye jo launde hain mere paanv dabane lag jaa.e

kaun si baat hai tum men aisi itne achchhe kyun lagte ho

kya khabar kaun tha vo aur meraa kya lagta tha jisse milkar mujhe har shaKHs bura lagta tha

kisne dastak dii ye dil par kaun hai aap to andar hain baahar kaun hai

tujh sa hai meri jaan magar tu to nahin hai ye phool teri kitnii kamii poori karega

main theek sochta hooñ koii had mere li.e main saaf dekhta hooñ mujhe maar deejie

jo zakhm baante hain unhen zeest pe hai haq main phool baantaa hooñ mujhe maar deejie

kise khabar thii darakhton ka ye kataav kabhi hamaare halka-e-ahbaab tak bhi aayega

bichhadne waale men sau aib the magar farhaad vo bad-dimaagh meraa mas'ala samajhta tha