shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

sochun to saari umr mohabbat men kat gaii dekhooñ to ek shaKHs bhi meraa nahin hua

us ke dil ki aag thandi pad gaii mujh ko shohrat mil gaii ilzaam se

dasht jaisi ujaad hain aañkhen in dareechon se KHvaab kya jhaanken

bichhad jaayenge ham dono zameen par ye us ne aasmaañ par likh diya hai

vo ek shaKHs jo dikhne men theek-thaak sa tha bichhad raha tha to lagne laga haseen bahut

vo kabhi aaghaaz kar sakte nahin khauf lagta hai jinhen anjaam se