tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

yaqeen maan jo din tere saath guzare the unhin dinon ko main is zindagi men ginata hooñ

din raat subah shaam kaii saal lag ga.e paane men ye maqaam kaii saal lag ga.e

tum us se poochna kabhi raftaar vaqt kii baitha hua ho jo kisi ke intizaar men

main tanhaa sar-e-raah khada soch raha hooñ tanhaaii mitaane ke li.e jaaun kahaan par vo be-vafa to laut ke aane se raha ab tu hi bataa ai dil tujhe behlaaun kahaan par

ye aur baat batao na tum ha men lekin kisi ke KHvaab to aankhoñ men pal rahe honge