koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

ham vo hain jo KHuda ko bhool ga.e tum meri jaan kis gumaan men ho

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

KHvaahish sukhaane rakkhi thii kothe pe dopahar ab shaam ho chali miyaan dekho kidhar gaii

tu kis ke kamre men thii main tere kamre men tha

mujhe pasand nahin aise kaarobaar men hooñ ye jabr hai ki main KHud apne ikhtiyaar men hooñ

KHud-ba-KHud shaakh lachak jaayegi phal se bharpoor to ho lene do

kis tarah jama keejie ab apne aap ko kaaghaz bikhar rahe hain puraani kitaab ke