vo jispar uski rahmat ho vo daulat maangtaa hai kya mohabbat karne vaala dil mohabbat maangte hai kya tumhaara dil kahe jab bhi ujaala ban ke aa jaana kabhi ugta hua suraj izazat maangtaa hai kya

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

vo jhooth bol raha tha bade saleeqe se main etibaar na karta to aur kya karta

vo be-vafa hai to kya mat kaho bura us..ko ki jo hua so hua KHush rakhe KHuda us..ko

kyuuñ darein zindagi men kya hogaa kuchh na hogaa to tajurba hogaa

she'r dar-asl hain vahii hasrat sunte hi dil men jo utar jaayen

dekho to chashm-e-yaar ki jadoo-nigaahiyaan behosh ik nazar men hui anjuman tamaam

paigham-e-hayat-e-javedaan tha har naghma-e-krishna baansuri ka

nahin aati to yaad unki maheenon tak nahin aati magar jab yaad aate hain to akshar yaad aate hain

ham kya karen agar na tiri aarzoo karen duniya men aur bhi koi tere siva hai kya