maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

chalti phirti hui aankhoñ se azaan dekhi hai main ne jannat to nahin dekhi hai maa dekhi hai

main tere baad koi tere jaisa dhoondhta hooñ jo be-vafaaii kare aur be-vafa na lage

doori hui to unse qareeb aur ham hue ye kaise faasle the jo badhne se kam hue

pyaar ka pehla khat likhne men vaqt to lagta hai naye parindon ko udne men vaqt to lagta hai

kya tamasha hai ki sab mujh...ko bura kahte hain aur sab chahte hain meri tarah ka hona

main to ai ishq teri kooza-gari jaanta hooñ tune ham do ko milaaya to banaa ek hi shaKHs

mire aansoo mire andar hi gire rone se jee aur bojhal ho gaya

shaayad kisi bala ka tha saaya darakht par chidiyon ne raat shor machaaya darakht par

main apne aap men gahra utar gaya shaayad mire safar se alag ho gaii ravaani mirii