tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

shaakhon se toot jaayen vo patte nahin hain ham aandhi se koi kah de ki auqaat men rahe

zindagi ka muqaddar safar-dar-safar aakhiri saans tak be-qaraar aadmi

ghee misri bhi bhej kabhi akhbaaron men kaii dinon se chaai hai kadvi ya allah

naksha utha ke aur koi shahar dekhiye is shahar men to sab se mulaqaat ho gaii

dil men na ho jurat to mohabbat nahin milti khairaat men itni badi daulat nahin milti

koi hindu koi muslim koi eesaai hai sab ne insaan na banne ki qasam khaai hai