bas ye diqqat hai bhulaane men use uske badle men kis ko yaad karen

mas'ala ye nahin ki ishq hua hai ham ko mas'ala ye hai ki izhaar kiya jaana hai

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

tujhe bhool jaane ki koshishein kabhi kaamyaab na ho sakeen tiri yaad shaakh-e-gulaab hai jo hawa chali to lachak gaii

ye shabnami lahjaa hai aahista ghazal padhna titli ki kahaanii hai phoolon ki zabaani hai

dil ki bastii puraani dilli hai jo bhi guzra hai usne lootaa hai

tumhein zaroor koii chaahaton se dekhega magar vo aañkhen hamaari kahaan se laayega tumhaare saath ye mausam farishton jaisa hai tumhaare baa'd ye mausam bahut sataayega

charaaghon ko aankhoñ men mahfooz rakhna badi door tak raat hi raat hogii