dil se saabit karo ki zinda ho saans lena koi suboot nahin

ab lagta hai theek kaha tha ghalib ne badhte-badhte dard davaa ho jaata hai

main agar apni jawaani ke suna doon qisse ye jo launde hain mere paanv dabane lag jaa.e

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

kisne dastak dii ye dil par kaun hai aap to andar hain baahar kaun hai

jaane kis haal men ham hain ki ha men dekh ke log ek pal ke li.e rukte hain guzar jaate hain

ab zameen par koi gautam na mohammad na maseeh aasmaanon se naye log utaare jaayen

awaaz de ke chhup gaii har baar zindagi ham aise saada-dil the ki har baar aa ga.e

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use

gham-e-duniya bhi gham-e-yaar men shaamil kar lo nashsha badhta hai sharaaben jo sharaabon men milen