mere hujre men nahin aur kahii par rakh do aasmaañ laaye ho le aao zameen par rakh do

apne samaan ko baandhe hue is soch men hooñ jo kahii ke nahin rahte vo kahaan jaate hain

pahle sau baar idhar aur udhar dekha hai tab kahii dar ke tumhein ek nazar dekha hai

usne dekha mujh...ko to kun dii lagaani chhod dii phir mire hothon pe ik aadhi kahaanii chhod dii main chhu paa.e phir raha tha ishq apne gaav men aur phir zaalim ne gardan pe nishaani chhod dii

toot bhi jaaun to teraa kya hai ret se pooch aaina kya hai phir mere saamne usii ka zikr aapke saath masalaa kya hai

ye sochna ki vo mud mud ke dekhti hogii aur us ke baad khud apne khayal par hansna

ye kaayenaat mere saamne hai misl-e-bisaat kahiin junoon men ult doon na is jahaan ko main

muddat men bahaar aayi hai so log bhi KHush hain main KHush hooñ agar shahar men do log bhi KHush hain apna to ye aalam hai ki dhalti hi nahin shaam allah karen KHush rahen jo log bhi KHush hain

shaam aa.e aur ghar ke li.e dil machal uthe shaam aa.e aur dil ke li.e koii ghar na ho

chehre pe saa.e men bhi kharaashe dikhaai den aaina-e-hayaat pe itni nazar na ho