kis li.e dekhti ho aaina tum to KHud se bhi khoobsurat ho

mujhe azaad kar do ek din sab sach bataa kar tumhaare aur uske darmiyaañ kya chal raha hai

ab main saare jahaan men hooñ badnaam ab bhi tum mujh...ko jaanti ho kya

zehan se yaadon ke lashkar ja chuke vo meri mehfil se uth kar ja chuke meraa dil bhi jaise pakistan hai sab hukoomat karke baahar ja chuke

pyaar do baar thodii hota hai ho to phir pyaar thodii hota hai yahii behtar hai tum use roko mujhse inkaar thodii hota hai

maqtal-e-shauq ke aadaab niraale hain bahut dil bhi qaateel ko diya karte hain sar se pahle

ye teraa gulistaan teraa chaman kab meri nava ke qaabil hai naghma mira apne daaman men aap apna gulistaan laata hai

partav se jis ke aalam-e-imkaan bahaar hai vo nau-bahaar-e-naaz abhii raahguzaar men hai

ye may-kada hai yahaañ hain gunaah jaam-b-dast vo madrasa hai vo masjid vahaañ milega savaab

shikaayaten bhi bahut hain hikaayaten bhi bahut mazaa to jab hai ki yaaron ke roo-b-roo kahiye