koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

kyuuñ darein zindagi men kya hogaa kuchh na hogaa to tajurba hogaa

kisi gali men kiraye pe ghar liya usne phir us gali men gharo ke kiraye badhne lage

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

mujhe to qaid-e-mohabbat azeez thii lekin kisi ne mujh ko giriftaar. kar ke chhod diya

qaid se chhoot ke bhi kya paaya aaj bhi paanv men zanjeer to hai

tire baghair ajab bazm-e-dil ka aalam hai charaaghhh saikdon jalte hain raushni kam hai

vo ham se KHafaa hain ham un se KHafaa hain magar baat karne ko jee chahta hai jahaan ishq men doob kar rah ga.e hain wahin phir ubharne ko jee chahta hai

ab to khushi ka gham hai na gham kii khushi mujhe be-his banaa chuki hai bahut zindagi mujhe