tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

main agar apni jawaani ke suna doon qisse ye jo launde hain mere paanv dabane lag jaa.e

baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

vaqiaa'a kuchh bhi ho sach kehne men ruswaai hai kyun na KHaamosh rahoon ahl-e-nazar kahlaaun

ye samajh ke maana hai sach tumhaari baaton ko itne KHoob-soorat lab jhooth kaise bolenge

mumkin ho aap se to bhula deejie mujhe patthar pe hooñ lakeer mita deejie mujhe

jalte hain ik charaaghh ki lau se kaii charaaghh duniya tire khayal se raushan hui to hai

tujh men kas-bal hai to duniya ko baha kar le ja chaai kii pyaali men toofaan uthaata kya hai